Kokëdhima jep alarmin: Rama i mori për vete kompetencat e partisë së bazës

Nëpërmjet një postimi në facebook, ish-deputeti dhe njeriu më i rëndësishëm deri pak kohë më parë në Sarandë Koço Kokëdhima, jep alarmin se kryetari i PS Edi Rama po merr kompetencat e bazës së partisë dhe se po i nxjerr të pavlerë mendimin dhe vendimet e bazës.
Kokëdhima shprehet se “Prej shumë muajsh unë nisa projektin e miratuar edhe nga udhëheqja e PS-së për të reformuar PS-në në qarqet Vlorë dhe Gjirokastër. Por ai u ndërpre në mes, sepse u cenua pushteti i kryetarit dhe i atyre pak njerëzve rreth tij. Në intervistën për Tv “Apollon” thashë se Rama e kundërshtoi këtë projekt, sepse nuk ka respekt për partinë e bazës, se nuk e do atë, se e shfrytëzon, e përdor dhe nuk e dëgjon atë. Thashë se ai e ka vjedhur partinë e bazës, ia ka marrë për vete kompetencat. Dhe kur flas për kryetarët, flas për të gjithë, përfshirë edhe Ramën. Çfarë problemi ka Rama në qoftë se i zgjedhin deputetët, qytetarët e Shqipërisë dhe socialistët e bazës? Ku i prishet puna Ramës? Ç’problem ka ai që të ketë demokraci në Partinë Socialiste, të ketë demokraci siç ka çdo parti demokratike sot në botë? Çfarë problemi ka këtu në qoftë se në Shqipëri do të ketë primare, do të ketë zgjedhje paraprake siç ka në të gjithë vendet demokratike. Çfarë problemi ka Rama me këtë? Ku hyn Rama në këtë histori?” – përfundon Kokëdhima. 

loading...
loading...