‘Rrini në shtëpi’, mjeku shqiptar në Itali: Koronavirus rrezikon dhe të rinjtë, mos e neglizhoni

Koronavirusi prek edhe të rinjtë dhe disa prej tyre janë të shtruar në reanimacion, prandaj nuk duhet ta neglizhojë askush këtë virus me idenë se prek vetëm të moshuarit. Ky apel u bë nga mjeku shqiptar në Arezzo të Italisë, Genc Kapxhiu gjatë një lidhje live në Report Tv.

Kapxhiu tha se në Arezzo ka dhe të rinj të prekur nga koronavirusi, dhe dy prej tyre ndodhen në reanimacion, ndërsa bëri thirrje që e vetmja mënyrë që kjo të shmanget është izolimi në shtëpi dhe një higjienë e mirë.