Kreu i qeverisë e konsideron këtë ngjarje si një rast ulëritës për policinë e Sarandës, për të cilën tha se janë marrë të gjitha masat nga ana e Shërbimit të Çështjeve të Brendshme dhe Ankesave.
Në këtë rast nuk ka përgjegjësi gjykata, u shpreh Rama, por policia. Ndërsa theksoi se për këtë ngjarja është ndëshkuar struktura e policisë Sarandë.
“Rasti i Sarandës është përgjegjësi e drejtpërdrejtë e Policisë së Shtetit dhe për këtë arsye janë marrë masat dhe janë bërë goditje brenda policisë së shtetit
Rasti i Sarandës është përgjegjësi e policisë së shtetit.
Merr informacioni sa efektivë policie kanë shkuar para ligjit, sa policë janë hetuar nga ana administrative dhe pastaj penalisht si rezultat i punës së bërë nga SHCBA në Policinë e Shtetit.
Rasti i Sarandës është një rast ku nuk ka përgjegjësi as gjykata as media, as askush tjetër sa Policia e Shtetit.
Rasti i Sarandës është i pajustifikueshëm dhe struktura në Sarandë është ndëshkuar nga brenda policisë. Është ndëshkuar, janë marrë masa dhe merren masa vijimisht për raste të tilla.
Rasti i Sarandës është absurd. Nuk ka ndodhur në ndonjë cep.
Rasti i Sarandës është flagrant, ka ndodhur në qendër, pranë shëtitores, në një lokal me muzikë dhe me të gjitha. Është rast ulëritës për stukuarën e policisë Sarandë”, u shpreh Rama në konferencën me gazetarët.
