Mjeku: COVID ka pësuar mutacion, është më i rrezikshëm! Mbani maskën

Drejtori i spitalit COVID 2, ‘Shefqet Ndroqi’ , profesor Perlat Kapisyzi në një mesazh ndërgjegjësues për qytetarët theksoi se maskat janë të rëndësishme, për ndalimin e përhapjes së koronavirusit.
Ai gjithashtu thotë se COVID ka pësuar mutacion gjenetik dhe është më i rrezikshëm.Videomesazhin e ka publikuar Ministrja e Shëndetësisë Ogerta Manastirliu në Facebook.

“Virusi Sars-COV2 ka pësuar mutacion genetik ku një nga më të rëndësishmit është D614G, ky mutacion ka bërë virusin më aftësi më ngjitëse, duke rritur ngarkesën virale. Tashmë shumë studime kanë vërtetuar se sa më e madhe ngarkesa virale aq më e lartë sëmundshmëria dhe vdekshmëria. Virusi është bërë më agresiv” – tha mjeku.