Mbyllja e Çerdhes në Sarandë, asnjë zgjidhje për fëmijët e mbetur në shtëpi

Të enjten e kaluar, si pasojë e infektimit me koronavirus të një pjese të stafit në Çerdhen nr 3 në Sarandë, u vendos mbyllja e kësaj çerdheje fëmijësh.
Mbyllja e Çerdhes shkaktoi edhe mbetjen në shtëpi të fëmijëve të cilët frekuentonin këtë çerdhe, pasi nga ana e strukturave përgjegjëse nuk u dha asnjë zgjedhje arltenative, siç mund të ishte shpërndarja e këtyre fëmijëve në çerdhe të tjera apo transferim i edukatoreve nga çerdhe të tjera në Çerdhen nr 3.

Prindërit të shqetësuar për këtë situatë, kanë shprehur ditën e djeshme në Saranda Web ankesën e tyre, por që deri tani nuk është dhënë asnjë përgjigje nga Bashkia Sarandë.