Gazetari: Të nisin hetimet për rrugët nga Tepelena në Sarandë

Gazetari Gjergj Erebara, i ftuar në emisionin “Të Paekspozuarit”, duke folur për tenderat e zhvilluara në Unazën e Madhe, ka deklaruar se ishte e qartë që prej fillimi, se këto tendera ishin të manipuluara.

“Te treja tenderat e Unazës, ngrenë flamur të kuq, në bazë të një parimi të thjeshtë. Të gjitha tenderat kanë ofertë fituese me vlerë thuajse në fondin limit. Në të gjithë botën normale dhe në Shqipëri, KLSH dhe Autoriteti i Konkurencës kanë bërë një manual, për të informuar se kur manipulohen tenderat.

Indicia e parë, është afërsia me fondin limit. Nëse fondi limit është 100 lek, dhe oferta fituese është 99 lek , atëherë ky është treguesi i parë që ky tender është i manipuluar. Ishte e qartë që kur u bë tenderi, se ishte i manipuluar. Duhet të hapen hetime edhe për tre lotet e tjera të Unazës së madhe, por edhe të rrugës nga Tepelena në Sarandë.