Eco Campus Saranda në mister, edhe këtë vit mësimi në Sarandë me 2 turne

Në Sarandë, para 10 vitesh, nisi ndërtimi i Eco Campusit, një kompleks edukativ që përfshinte çerdhe, kopshte, cikël të ulët dhe shkollë të mesme me kapacitet për 750 fëmijë. Ky projekt ambicioz, i cili filloi më 2015 dhe përfundoi në 2017, synonte t’i jepte fund mësimit me dy turne në shkollat e qytetit dhe të zbusë trafikun e rënduar.

Por, pavarësisht përfundimit të godinës më shumë se 7 vjet më parë, mësimi në Eco Campus nuk ka filluar asnjëherë. Premtimet për vendosjen e bangave dhe pajisjeve të nevojshme janë përsëritur çdo vit, duke lënë fëmijët e Sarandës të vazhdojnë mësimin me dy turne edhe këtë vit.

Kjo situatë ka shkaktuar një valë shqetësimesh dhe dyshimesh mes banorëve, të cilët kanë filluar të dyshojnë se Eco Campus Saranda nuk po vihet në funksion me qëllimin për ta tjetërsuar godinën dhe tokën përreth saj. Ky dyshim përkeqëson ndjenjën e zhgënjimit mes prindërve dhe nxënësve, të cilët kanë pritur për një zgjidhje të problemeve të tyre arsimore që nga viti 2015.

Eco Campusi, që duhej të ishte një aset i çmuar për arsimin e fëmijëve të Sarandës, rrezikon të kthehet në një tjetër histori tjetërsimi dhe abuzimi me pronën publike, nëse nuk merren masa konkrete për ta vënë atë në funksion.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb