Bashkia Sarandë: Më 30 janar do të merrni vesh çfarë do bëjmë me Eco Campusin

Eco Campus, i përfunduar prej 6 vitesh, ende nuk ka hapur dyert për nxënësit

Më 30 janar 2025, Këshilli Bashkiak Sarandë do të zhvillojë mbledhjen e parë për këtë vit, ku do të trajtohen disa nga temat më të rëndësishme për qytetin, përfshirë edhe çështjen e Eco Campus-it. Ky projekt, i përfunduar prej 6 vitesh, vazhdon të qëndrojë i papërdorur, duke lënë nxënësit dhe komunitetin në pritje të hapjes së tij.

Eco Campus u konceptua si një hapësirë moderne edukative dhe ekologjike, një model zhvillimi i qëndrueshëm që do të shërbente si një qendër arsimore dhe mjedisore për nxënësit e zonës. Megjithëse ndërtimi është përfunduar, mungesa e një vendimi përfundimtar nga autoritetet ka bërë që ky projekt të mbetet një investim i pashfrytëzuar.

Gjatë mbledhjes, pritet të jepet informacion mbi arsyet e vonesës dhe planet për funksionalizimin e kësaj qendre. Kjo situatë ka shkaktuar pakënaqësi të madhe në komunitet, i cili kërkon përgjigje të qarta dhe hapa konkretë nga autoritetet.

Saranda Web do të jetë në transmentim të drejtpërdrejtë, me qëllim informimin e plotë të qytetarëve mbi të ardhmen e Eco Campus-it dhe përdorimin e tij në dobi të komunitetit.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb