![](https://sarandaweb.net/wp-content/uploads/2021/05/ORANGE-1-1.png)
Arratisja e 2 ushtarëve që tronditi regjimin: 8 orë me not drejt Korfuzit
“U nisën natën për të çarë 7 miljet me not në drejtim të Korfuzit. Iu lutën Zotit që t’i ndihmonte në këtë aventurë të pabesueshme, por vetëm të ikin prej ferrit komunist. Notuan plot 8 orë deri sa ia dolën të dilnin në Korfuz. Gazeta “Albanian-American” që dilte në Boston të SHBA-së do ta përcillte lajmin me titullin: Më mirë në fund të detit, a në bark të peshkut sesa në parajsën komuniste të Shqipërisë”
Gazeta “Albanian-American” që dilte në Boston të SHBA-së, i bëri jehonë ngjarjes së arratisjes së dy shqiptarëve. “Ismail Taipi dhe Musa Ahmeti çajnë detin me not”-njoftonte kjo gazetë. Si titull të madh vendoste thënien e tyre: “Më mirë në fund të detit, a në bark të peshkut sesa në parajsën komuniste të Shqipërisë”.
![](https://sarandaweb.net/app/uploads/2021/09/taip-musa-ahmeti.jpg)
Këto ishin në fakt thëniet për njëri-tjetrin, një lloj betimi që kishin bërë para se të nisnin aventurën e arratisjes. Gazeta në vitin 1957 nëpërmjet korrespondentit të saj në Greqi sillte historinë e pazakontë të tyre.
Të dy djemtë ishin me origjinë çame. Në vitin 1945, kur ata ishin 11 vjeçarë, prindërit e tyre të përzënë nga grekët, u vendosën në lagjen “Skelë” të Vlorës. Pasi mbaruan shkollën fillore, nga nevoja ekonomike u detyruan të bëhen punëtorë krahu. Paga që merrnin ishte shumë e vogël, ndërsa lodhja shumë e madhe. Jeta u bëhej çdo ditë e paduruar, e vështirë dhe e mërzitshme. Gazeta shkruante: “Këta djelmosha prisnin të shikonin së shpejti parajsën socialiste që u predikohej çdo rast dhe në çdo vend nga agjitpropët e partisë e qeverisë. Pritën vite e vite me radhë, por horizonti, qielli dhe toka e Shqipërisë, në vend që të zbardheshin, errësoheshin edhe më tepër. Jeta e punëtorit në Shqipëri, sikurse jeta e të gjitha masave të tjera punonjësve, sapo vinte bëhej më e paduruar”.
Paga që merrnin nuk u dilte as për 3 ditë. Ata shfrytëzuan kohën kur u thirrën ushtarë. Fati e deshi të ishin të dy. Kur kompania e tyre u nis për të instaluar linjën telefonike Vlorë-Himarë-Sarandë-Butrint, ata gjetën rastin për arratisje. U nisën natën për të çarë 7 miljet me not në drejtim të Korfuzit. Iu lutën Zotit që t’i ndihmonte në këtë aventurë të pabesueshme, por vetëm të ikin prej ferrit komunist.
Notuan plot 8 orë deri sa ia dolën të dilnin në Korfuz. Iu dha menjëherë ndihma e parë sepse ishin të lodhur e stërmunduar nga kjo sakrificë. Ishin betuar që më mirë t’ia hanin peshqit se sa të burgoseshin nga regjimi komunist. /Kujto.al
Ndajeni me miqte:
Na ndiqni:
Postimet e fundit
![](https://sarandaweb.net/wp-content/uploads/2024/06/apartamente-ne-sarande.png)
![](https://sarandaweb.net/wp-content/uploads/2023/07/finikas-lines-traget-sarande-korfuz-vere-2023.jpg)
![](https://sarandaweb.net/wp-content/uploads/2024/03/ATELIE-STELA-SKENDERAJ-1.gif)
![](https://sarandaweb.net/wp-content/uploads/2021/05/miri.gif)
![](https://sarandaweb.net/wp-content/uploads/2022/01/ONE-CLICK-INTERNET-TELEVIZION-KABLLOR-FIBER-SARANDE-1.gif)
![](https://sarandaweb.net/wp-content/uploads/2024/06/keni-apartament-per-shitje-1.jpg)
![](https://sarandaweb.net/wp-content/uploads/2024/07/MOLOSET-DISCO-SARANDE-1.jpeg)
Rezervime
Suvenire
![Luani i Butrintit gdhendur në gur, punim nga Agur Kapo](https://sarandaweb.net/wp-content/uploads/2021/11/WhatsApp-Image-2021-11-16-at-12.13.55.jpeg)
Luani i Butrintit gdhendur në gur, punim nga Agur Kapo
09/09/2118:08
![Anija Liburna, punim në dru nga Agur Kapo](https://sarandaweb.net/wp-content/uploads/2021/11/Anija-Liburna.jpeg)
Anija Liburna, punim në dru nga Agur Kapo
09/09/2118:08
![PUNIME ARTIZANE ME MOTIVE NGA BUTRINTI, PJETER PERKEQI 16](https://sarandaweb.net/wp-content/uploads/2022/03/PUNIME-ARTIZANE-BUTRINT-PJETER-PERKEQI-16.jpeg)
PUNIME ARTIZANE ME MOTIVE NGA BUTRINTI, PJETER PERKEQI 16
09/09/2118:08
![PUNIME ARTIZANE ME MOTIVE NGA BUTRINTI, PJETER PERKEQI 4](https://sarandaweb.net/wp-content/uploads/2022/03/PUNIME-ARTIZANE-BUTRINT-PJETER-PERKEQI-4.jpeg)
PUNIME ARTIZANE ME MOTIVE NGA BUTRINTI, PJETER PERKEQI 4
09/09/2118:08
![Suvenire nga Saranda](https://sarandaweb.net/wp-content/uploads/2021/08/suvenire-nga-saranda-2.jpeg)
Suvenire nga Saranda
09/09/2118:08