832 raste të reja me COVID, 11 raste në Sarandë dhe 1 në Delvinë

Rriten sërish rastet ditore të infektimeve me COVID në Shqipëri në 24 orët e fundit, ndërsa në Sarandë është regjistruar një ulje e ndjeshme e rasteve.
Ministria e Shëndetësisë dhe Mbrojtjes Sociale njofton se janë kryer 2176 testime, 535 të shëruar, 832 raste të reja dhe 12 humbje jete në 24 orët e fundit.
Rastet pozitive të konfirmuara në 24 orët e fundit janë identifikuar në këto bashki:

430 raste në Tiranë, 100 raste në Fier, 33 raste në Durrës, 32 raste në Elbasan,

27 raste në Korçë dhe Berat, 21 raste në Kuçovë, 20 raste në Shkodër, 19 raste në Lushnje,

17 raste në Kurbin, 16 raste në Vlorë, 15 raste në Mallakastër, 14 raste në Tropojë,

11 raste në Sarandë, 9 raste në Pogradec, 8 raste në Mat, 6 raste në Kavajë dhe Gramsh,

3 raste në Kukës, Tepelenë, Skrapar, 2 raste në Krujë, Lezhë, Gjirokastër, Përmet,

1 rast në  Delvinë, Has, Dibër, Bulqizë.

Ministria e Shëndetësisë dhe Mbrojtjes Sociale ju bën apel qytetarëve të shmangin çdo lloj grumbullimi, të kufizojnë kontaktet dhe lëvizjet e panevojshme, për të frenuar përhapjen e COVID19. Ju rikujtojmë domosdoshmërinë për të respektuar rregullat e distancimit fizik, vendosjen e maskës në çdo ambient jashtë shtëpisë dhe kujdesin për higjienën.