SHARE

Forumi Rinor Eurosocialist i Shqipërisë FRESSH feston sot 25-vjetorin e krijimit të tij. Në kuadër të këtij përvjetori, në Pallatin e Kongreseve, do të zhvillohet mesditën e sotme kongresi i FRESSH-it në të cilin do të marrin pjesë përfaqësues të strukturave të forumit nga e gjithë Shqipëria.
Nga Saranda ditën e sotme, mes këngëve dhe brohorimave për udhëheqësin e Partisë Socialiste Edi Rama, janë nisur një grup të rinjsh të cilët do të marrin pjesë në kongres.
Kongresi ka si qëllim vlerësimin e kontribuesve ndër vite dhe shpalljen e objektivave të mëtejshme, ndërsa sipas burimeve për median pranë organizatorëve bëhet e ditur se janë ftuar të jenë pjesë e këtij aktiviteti të gjithë drejtuesit e FRESSH-it ndër vite: duke filluar nga Ilir Meta, Monika Kryemadhi, Pandeli Majko, Ilir Zela, Gjergji Koja, Elisa Spiropali, Megi Ajtyresa dhe Joleza Koka.
Një prej vendimeve të sotme të Kongresit të FRESSH-it do të jetë miratimi i statutit të forumit. Më në fund, pas 12 vjetësh pa dokument themeltar, forumi do të ketë një statut që i mungonte që prej vitit 2005.
fresh saranda

loading...
loading...