Familja del për të mbledhur rrjetat e peshkimit, shpëtojnë 3, gruaja mbetet në det! Dyshohet se është mbytur

Një familje prej 4 anëtarësh kanë dalë në det mëngjesin e sotëm për të mbledhur rrjetat e peshkimit në Himarl, por si pasOjë e motit të keq ato janë përballur me vështirësi për t’u kthyer pas. 3 anëtarët e kësaj familjeje, Robert, Avdul dhe Arsen Rama kanë arritur që të shpëtojnë, e ndërsa mësohet se gruaja, Tefta ka mbetur në det, ky dyshohet se është mbytur.
Trupi i saj nuk është gjetur ende, teksa vijojnë kërkimet.

Njoftimi i policisë
Policia Kufitare dhe roja bregdetare shpëtojnë tre shtetas që rrezikuan të mbyteshin në det, të cilët kishin dalë për peshkim me një mjet të vogël lundrues, i cili u fundos.
Vijon kërkimi intensiv në det, për gjetjen edhe të një shtetaseje që ishte në bordin e këtij mjeti lundrues, e cila dyshohet se është mbytur.

Shërbimet e Policisë kufitare Dhërmi kanë marrë një telefonatë se një mjet lundrues ka dalë në det për peshkim dhe si pasojë e dallgëve të mëdha dhe motit të keq personat që ishin në bord rrezikonin të mbyteshin në Gjipe.

Shërbimet e Policisë Kufitare kanë dalë me mjetin lundrues menjëherë në drejtim të adresës së dhënë dhe kanë njoftuar edhe rojën bregdetare për ndihmë.

Si rezultat i operacionit të përbashkët të Policisë Kufitare dhe rojës bregdetare dhe ndihmës nga një mjet lundrues turistik i rastit, u bë e mundur të shpëtohen shtetasit R. R., F. R. dhe A. R., ndërsa shtetasja M. R. nuk është gjetur ende. Vijojnë kërkimet intensive me mjetet lundruese të Policisë Kufitare dhe të rojës bregdetare.

Personat e shpëtuar u dërguan në Jalë, ku i priste ambulanca e qendrës shëndetësore Himarë e njoftuar nga Policia Kufitare, dhe ndodhen në spital, jashtë rrezikut për jetën.