Këshilltarët e LSI: “Do ta bllokojmë nismën për dhënien me koncension të Bashkisë”

keshilli bashkiak sarandeKëshilltarët Bashkiakë të Lëvizjes Socialiste për Integrim në Bashkinë Sarandë po ndërmarrin veprime për të bllokuar nismën e Bashkisë Sarandë për pjesmarrje të Bashkisë në Shoqërinë Aksionere “Koncorsium për zhvillimin e Rajonit Vlorë-Gjirokastër”. Burime të Saranda Web informojnë se Këshilltarët bashkiakë të LSI kanë filluar konsultime me të gjithë këshilltarët, me qëllim arritjen e shumicës për të bllokuar dhe rrëzuar këtë projekt-vendim. Projekti-vendimi ishte futur edhe përpara disa muajsh për diskutim në Këshillin Bashkiak, por ishte tërhequr përsëri, pasi nuk gjeti as mbështetjen e këshilltarëve të majtë. Ende nuk dihet se çfarë qëndrimi do të mbajnë këshilltarët e Partisë Demokratike, të cilët prej 1 viti i shfrytëzojnë mbledhjet e Këshillit Bashkiak thjesht për të bërë ndonjë foto për facebook.