Analiza pas një aksidenti

Nga Geraldi BREGU
13518217_1291478834212971_653664260_oPas aksidentit të rëndë të ndodhur ditën e djeshme në Qafën e Muzinës me pasojë vdekjen e 12 vjeçares Dori Lleshi, nga ana e policisë deklarohet se shkak i aksidentit ishte lagështia në rrugë. Një deklaratë e cila nuk e tregon plotësisht të vërtetën. Personalisht isha në vendin e ngjarjes dhe pashë nga afër që në segmentin ku ndodhi aksidenti, në rrugë ishte derdhur naftë, gjë që policia nuk e përmend në deklaratë. Atëherë lind pyetja, kush ishte ky autobot me naftë që kaloi në këtë rrugë dhe derdhi këtë sasi nafte ? Po shkoj më tej 2 orë pas aksidentit në vendgjarje ishin një numër i vogël efektivë të policisë rrugorë të cilët nuk e kishin idenë se çfarë të bënin. Si pasojë u krijuan rradhë të gjata kilometrike nga të dyja anët e rrugës. 13524029_1291478730879648_805424082_oNjë tjetër detaj interesant ishte edhe mosveprimi i forcave të policisë për të rrethuar vendin e ngjarjes me shirita siç ndodh zakonisht në një aksident, për të lejuar më pas ekspertët shkencor për të gjetur shkakun e vërtetë të ngjarjes. Shiritat u vendosën 2 orë me vonesë ku shumë nga personat e pranishëm në vendngjarje qytetarë të thjeshtë kaluan disa herë duke prishur edhe provat materiale të hedhura gjithandej në rrugë. Vetëm me ardhjen e forcave të policë së Gjirokastrës dhe disa shefave kompetentë u bë e mundur vendosja e shiritave duke krijuar një perimetër të sigurtë. Një tjetër situatë e habitshme dhe e pajustifikueshme është edhe vonesa e autoambulancave. Sipas dëshmimtarëve në vendngjarje autoambulancat u vonuan rreth 1 -1 orë e gjysëm pas aksidentit. 13524144_1291478877546300_1617621085_oPo ashtu edhe zjarrëfikëset, të cilat pasi erdhën 2 orë me vonesë filluan të lanin rrugën duke prishur edhe provën më kryesore të aksidentit atë të naftës në rrugë. Një tjetër fakt interesant që dua ta përmend ishte edhe dhënia e ndihmës së shpejtë nga një mjeke pediatre pneumologe Polake, por kur arritën mjekët shqiptarë nuk dinin gjuhën Angleze dhe si rrjedhojë nuk mund të komunikonin me mjeken pediatre pneumologe për të kuptuar diçka më shumë rreth pasojave të të aksidentuarëve. 13517985_1291478727546315_814696374_oNjë tjetër e dhënë shqetësuese është edhe prania e 7 personave në makinën e aksidentuar. Në makinë tip Golf 3, udhëtojnë për qindra kilometra 7 persona. A i vuri re ndonjë patrullë e policisë rrugore pasi e lejuar është maksimumi 4+1. Mund të themi me plot gojën që strukturat e shtetit me veprimet dhe mosveprimet e tyre lanë për të dëshiruar. Në fund doja të shtoja edhe një tjetër fakt, ditën e sotme u arrestua Babai i 12-vjeçares Dori Lleshi, 38 Vjeçari Feruz Lleshi i cili ishte edhe drejtuesi i automjetit i përfshirë në aksident. Strukturat e policisë mund të kishin pritur derisa babai i 12-vjeçares së ndjerë të kishte bërë nderimet e fundit ndaj të bijës dhe më pas të vepronin për ta arrestuar.

.