Sekuestrohet prona 500.000 m2 në Ksamil e “Ministrit të Mbrojtjes së Çamërisë”
Prokuroria e Vlorës nisi hetimin, në bazë të materialit të referuar nga ana e Agjencia e Kthimit dhe Kompensimit të Pronave. Në bazë të veprimeve hetimore të deritanishme, Prokuroria ka krijuar dyshime të arsyeshme se kjo sipërfaqe tokë pranë bregut është përfituar, duke fallsifikuar dokumentat e pronësisë, si edhe duke fallsifikuar një vendim gjykate të vitit 1996. Në bazë të të dhënave të siguruara nga hetimi, Prokuroria e Vlorës paraqiti kërkesën për sekuestron të këtij trualli, kërkesë e cila u pranua.
Nga veprimet e deritanishme hetimore të Prokurorisë Vlorë, rezulton se:
Zyra Rajonale e Kthimit dhe Kompensimit të Pronave Qarku Vlorë, ka vendosur në vitin 2007 të njohë si pronarë të kësaj sipërfaqe trashëgimtarët e ish-pronarit Resul Piro. Ky vendim është kundërshtuar në gjykatë nga ana e Zyrës së Hipotekës së Sarandës, e cila nuk ka pranuar të regjistrojë këtë pronë në emër të përfituesve sipas listës së AKKP-së, Vlorë. Por gjykata e Vlorës, në vitin 2008, ka urdhëruar Hipotekën e Sarandës të regjistrojë tokën kullotë në emër të trashëgimtarëve. Gjykata e Sarandës, në vitin 2008, është bazuar në vendimmarrjen e saj në një tjetër vendim të po kësaj gjykate, të vitit 1996, ku familjarët Piro ishin njohur si pronarë të asaj toke. Pasi e regjistruan tokën në Hipotekë, në vitin 2008, pronarët e rinj nisën të shisnin një pjesë të saj tek persona të tretë.
Në vitin 2015, Agjencia e Kthimit dhe Kompensimit të Pronave në Tiranë kishte konstatuar parregullsi në dosjen e kthimit të kësaj pasurie dhe dorëzoi një kallëzim penal në Prokurorinë e Vlorës.
Nga veprimet hetimore të kryera, Prokuroria e Vlorës ka krijuar dyshime të arsyeshme se, për përfitimin e kësaj prone, janë përdorur dokumenta të fallsifikuara.
Në dosjen e aplikimit tek Agjencia e Kthimit dhe Kompensimit të Pronave Vlorë, Prokuroria evidentoi se gjendej një vërtetim i Hipotekës së Sarandës së vitit 1995, jo origjinal (fotokopje e njehsuar me origjinalin), në bazë të të cilit vërtetohet fakti se kjo pronë figuron e regjistruar në emër të shtetasit Resul Piro.
Gjithashtu, në dosjen e aplikimit gjendet edhe një vendim i Gjykatës së Sarandës, të vitit 1996, në bazë të të cilit, njihej si pronar Resul Piro.
Por, nga hetimi i kryer nga Prokuroria e Vlorës rezulton se, të paktën vendimi i gjykatës, është tërësisht i fallsifikuar. Nga ana e Prokurorisë u kryer ekspertimi grafik mbi firmat e gjyqtarëve dhe sekretarëve që ishin shënuar si të pranishëm në seancën për njohjen e pronës familjarëve Piro. Ekspertimi grafik u krye tek firmat e të të njëjtit gjyqtar dhe sekretarë në vendime të ndryshme të asaj kohe. Kjo, për faktin se dosja origjinale që pretendohej se ekzistonte në gjykatën e Sarandës, nuk u gjet. Në bazë të ekspertizës grafike, rezultoi se vendimi i gjykatës i vitit 1996 është tërësisht i fallsifikuar. Duke qenë se ky vendim gjykate ka shërbyer për veprimet e mëtejshme për njohjen, regjistrimin dhe tjetërsimin e pronës nga ana e familjarëve Piro, Prokuroria e Vlorës sekuestroi e të gjithë sipërfaqes së saj, e cila është rreth 500 hektarë.
Resul Piro prej gati një muaji është shpallur si Ministër i Mbrojtjes së Republikës së Çamërisë, shpallje e cila u bë në Hagë të Hollandës.
Na ndiqni:
Postimet e fundit
Ndahet nga jeta njeriu i mirë dhe punëtor Vladimir Çumani
10/12/1617:48
NJOFTIM PUNËSIMI në Supermaket Your Market në Qafë Gjashtë
10/12/1617:48
Sherr në Bulevardin e Sarandës, i riu goditet me levë, transportohet në spital
10/12/1617:48
Humb jetën futbollisti veteran Fredi Mërkuri. Ngjarja gjatë një takimi miqësor – VIDEO
10/12/1617:48
Studentja shkërmoq propagandën e ministres: Asgjë nuk po bëni për rininë!
10/12/1617:48
Braktisen punimet e fasadave në Sarandë – FOTO
10/12/1617:48
NJOFTIM PUNËSIMI në Restorant në Bulevardin e Sarandës për Prill-Tetor. Me akomodim & ushqim
10/12/1617:48
Olta Xhaçka: Plazhet ua japim të fortëve mos të vijnë njerëz nga malet me çadra në duar – VIDEO
10/12/1617:48
Freedom House: Demokracia në Shqipëri asnjë përmirësim, liria e medias e përkeqësuar
10/12/1617:48
Vijon aksioni për heqjen e makinave të braktisura nga rrugët e Sarandës
10/12/1617:48
Rezervime
Apartament Ksamil 1+1
10/12/1617:48
Apartamenti 2 – Vila Stupende
10/12/1617:48
Dhomë me kuzhinë për familje të vogla
10/12/1617:48
Dhoma dyshe në Hotel Mesopotami
10/12/1617:48
Dhomë çift për pushime
10/12/1617:48
Suvenire
Pelikani i Butrintit – Imitim mozaiku i Butrintit, punim nga Agur Kapo
10/12/1617:48
PUNIME ARTIZANE ME MOTIVE NGA BUTRINTI, PJETER PERKEQI 14
10/12/1617:48
PUNIME ARTIZANE BUTRINT PJETER PERKEQI 33
10/12/1617:48
DEA e Butrintit, punim në gur nga Agur Kapo
10/12/1617:48
PUNIME ARTIZANE ME MOTIVE NGA BUTRINTI, PJETER PERKEQI 6
10/12/1617:48