SHARE

Në Parkun Kombëtar të Llogarasë ka nisur puna për ndërtimin e një godine ku do të ekspozohen historia dhe arritjet e këtij parku.
Ky investim i AKZM(Agjensia Kombëtare e Zonave të Mbrojtura), me buxhetin e shtetit, do të mundësojë një qëndër informimi për qytetarët, studentët apo turistët, pasi në të do të pasqyrohen vlerat më të jashtëzakonshme të parkut mbi florën, faunën, kulturën dhe traditat e zonës.
Ky park është kthyer në një atraksion turistik tepër të vizitueshëm nga turistet vendas dhe të huaj. Jo vetëm natyra e bukur ku mund të shijosh edhe qëndrimin në mal, por edhe atë në det, një vend që i përfaqëson të dyja klimat malore dhe detare, por tani së fundmi, në park mund të vëzhgosh dhe specie të ndryshme kafshësh të egra.
Turizmi i vëzhgimit po kthehet në prioritar edhe në parkun e Llogarasë.
Gastronomia krahinore është një tjetër kënaqësi për ata që drekojnë apo rrinë më gjatë në ambientet turistike të Llogarasë. llogara

loading...
loading...