I jepet Lamtumira e fundit. Dëshmia rrënqethëse e shokut që pa vrasjen me sy

07/11/1614:40

Shperndaje:


Vrasja e rojes se karburantit ne SarandeVrasja e rojes se karburantit ne Sarande
Pamjet kur autori i vrasjes shkon ne karburant dhe ekzekuton babain e 2 femijeve
Pamjet e arrestimit te autorit

Posted by Saranda Web on 06.11.2016

Familjarë dhe të afërm, mes dhimbjes e lotëve, i kanë dhënë sot lamtumirën e fundit babait të dy fëmijëve, 44-vjeçarit Artan Hoxha që u vra mëngjesin e djeshëm në punë, në një pikë karburanti, në Qafë Gjashtë të Sarandës kur 27-vjeçari narkoman Arqilea Koçi, shkoi për të grabitur.
Në pikën e karburantit ku punonte të gjithë kanë mbetur të shokuar nga ngjarja, ndërsa kolegu i tij, dëshmitar në vrasje tregon momentet e grabitjes dhe arsyet pse personi i maskuar qëlloi mbi Artanin. Ai thotë Artani bashkë me Mandin, kamarieri ishin të ulur tek tavolina në mjediset e jashtme të lokalit. 34 vjeçari Arbër Katiraj tregon se Artani u qëllua vetëm pse lëvizi nga vendi.
“Ndodhesha në zyrë në momentin kur erdhi një person me motor të kuq dhe dëgjova që tha: Kjo është grabitje. Lekët, lekët! Kamarieri Mandi dhe Artani ishin bashkë të ulur tek tavolina jashtë. Mandi, kamarieri u ngrit i pari dhe i tha nuk kam lekë me vete dhe iku me shpejtësi brenda. Në atë kohë Artani lëvizi, personi me skafandër në kokë nuk foli por qëlloi mbi të me armë dhe u fut me shpejtësi në lokal. Atje kamarieri i hodhi lekët që kishte në tokë. Hajduti i mblodhi ato në tokë dhe u largua. Hajduti nuk dinte që isha edhe unë brenda në zyrë, se ndoshta edhe mbi mua do kish qëlluar”.
44-vjeçari Artan Hoxha, ishte punësuar prej disa kohësh në karburantin ku la frymën e fundit, ndërkohë që vëllai i tij kishte marrë me qira një lavazh në të njëjtin vend. Viktima ishte prind i dy fëmijëve, një djali 21-vjeçar dhe një vajze. Gjendja ekonomike e familjes së tij ishte e vështirë, këtë vështirësi dyfishonte sëmundja e rëndë e vajzës së tij.

 


Postimet e fundit

©SARANDAWEB - 2021 • Ndalohet riprodhimi i paautorizuar i përmbajtjes së kësaj faqeje.