Apeli i Tatimeve për bizneset në bregdet: 5 detyrimet ligjore që duhet të respektoni
Drejtoria e Përgjithshme e Tatimeve, ka nisur planin e masave për zbatimin me korrektësi të legjislacionit tatimor, nga tatimpaguesit që ushtrojnë veprimtari në zonat turistike, në mbarë vendin.
Mbarëvajtja e këtij sezoni është në interes të gjithë ekonomisë, të fluksit të turistëve, si dhe të bizneseve, që ushtrojnë veprimtari në zonat turistike. Administrata Tatimore, ju bëj thirrje të gjithë bizneseve dhe operatorëve turistikë që të zbatojnë me korrektësi legjislacionin tatimor dhe detyrimet që rrjedhin prej tij.
Në njoftimin për shtyp, sqarohet se strukturat e administratës tatimore do të kontrollojnë dhe verifikojnë të gjithë tatimpaguesit, përgjatë gjithë sezonit, në lidhje me respektimin e detyrimit për të qenë të regjistruar si biznes në QKB dhe në administratën tatimore.
Mosrespektimi i këtij detyrimi penalizohet me bllokimin e mallrave dhe detyrimin për regjistrim direkt në TVSH.
Gjithashtu, kontrolle do të ketë edhe për respektimin e detyrimit për dokumentimin e mallrave gjendje apo në transport. “Në rastin kur tatimpaguesi i paregjistruar në TVSH gjendet me mallra të padokumentuar, përveç penalitetit përkatës të barabartë me detyrimin tatimor të mallrave pa dokument, gjithashtu bëhet edhe ndryshimi përgjegjësisë tatimore, duke e kaluar në tatimpagues me përgjegjësinë tatimore të TVSH-së. Në rastin kur tatimpaguesi është regjistruar në TVSH, vendoset penaliteti përkatës, i barabartë me detyrimin tatimor të mallrave pa dokument”, sqarojnë tatimet.
Bizneset kanë detyrim që të lëshojnë kupon tatimor apo faturë tatimore për çdo transaksion që tatimpaguesi kryen me klientët e tij. Sipas ligjit të Procedurave Tatimore, kur gjatë një verifikimi në terren konstatohet një tatimpagues, i cili nuk lëshon kupon tatimor për herë të parë, përveç vendosjes së gjobës në masën 50,000 (pesëdhjetë mijë) lekë, për tatimpaguesit e regjistruar për TVSH-në bëhet edhe vlerësim tatimor nga zyra për tre muajt e fundit, duke përdorur metodat alternative. Pas konstatimit të parë, nëse tatimpaguesi vazhdon të mos e lëshojë kupon tatimor për të dokumentuar qarkullimin e realizuar të mallrave apo të shërbimeve, përveç aplikimit të dënimit në masën 50,000 (pesëdhjetë mijë) lekë, merret edhe masa e bllokimit të veprimtarisë në vendin ku është konstatuar shkelja për 30 ditë kalendarike. Çdo konstatim i përsëritur i moslëshimit të kuponit tatimor, pas dy konstatimeve të sipërpërmendura, përveç aplikimit të dënimit, konsiderohet evazion tatimor sipas pikës 2, të nenit 116, të ligjit të Procedurave Tatimore. Gjithashtu, publikohen emri i tatimpaguesit, NIPT-i dhe emri i përfaqësuesit të biznesit në faqen zyrtare të internetit të Drejtorisë së Përgjithshme të Tatimeve.
Respektimin e detyrimit për të regjistruar të gjithë punonjësit e angazhuar në biznes me kohë të plotë apo të pjesshëm. Nëse, nga verifikimi dhe kontrolli, rezulton se tatimpaguesi nuk ka deklaruar çdo të punësuar, përveç detyrimit për pagimin e shumës së detyrimeve tatimore dhe kontributeve të sigurimeve shoqërore e shëndetësore, ai penalizohet: nëse është tatimpagues i biznesit të madh me gjobë 200,000 (dyqind mijë) lekë dhe nëse është tatimpagues i biznesit të vogël me gjobë 50,000 (pesëdhjetë mijë) lekë.
Respektimin e detyrimit për të afishuar çmimet e shitjes së mallrave apo të shërbimeve të ofruara. Mosafishimi i çmimeve të shitjes së mallrave apo shërbimeve dënohet me gjobë në masën 100,000 ( një qind mijë ) lekë për tatimpaguesit e biznesit të madh dhe 50,000 (pesëdhjetë mijë) lekë për tatimpaguesit e biznesit të vogël.
Administrata Tatimore, me të gjitha strukturat e saj, është e angazhuar për të qenë në çdo kohë e pranishme në territor, për të kontrolluar dhe verifikuar nga afër situatën në të gjitha zonat turistike të vendit.
Na ndiqni:
Postimet e fundit
Butrinti dhe Delvina kthehen me humbje nga Orikumi dhe Peqini. Klasifikimi
19/05/1819:17
Njoftim për disa pozicione pune në Arameras Resort në Ksamil
19/05/1819:17
Aksident në rrugën Sarandë – Livadhja, ka të plagosur
19/05/1819:17
Qytetari denoncon: Gjiri i mrekullueshëm po kthehet në vendgrumbullim plehrash – VIDEO
19/05/1819:17
Përkeqësimi i kushteve atmosferike/ Anullohen disa linja detare dhe dalja e anijeve në det
19/05/1819:17
I jepet sot Lamtumira e fundit mësueses Nushi Demaj
19/05/1819:17
8 Marsi i artizanes nga Saranda: Festa ime në punë, falë saj krijova jetë të lumtur për familjen
19/05/1819:17
Nuk duam më lekë! Drejtori në Sarandë kërkon seks përkundrejt punësimit
19/05/1819:17
U godit nga një automjet gjatë pastrimit, humb jetën Shkëndije Halili nga Delvina
19/05/1819:17
Aksidentohet nga një automjet punonjësja e pastrimit në Delvinë
19/05/1819:17
Rezervime
Dhoma teke, Hotel Mesopotam
19/05/1819:17
City Glow – Apartament me 2 dhoma
19/05/1819:17
Dhoma dyshe – Hotel Mesopotam
19/05/1819:17
Apartament Ionian Saranda Sea
19/05/1819:17
Dhoma teke në Hotel Mesopotami
19/05/1819:17
Suvenire
PUNIME ARTIZANE ME MOTIVE NGA BUTRINTI, PJETER PERKEQI 8
19/05/1819:17
PUNIME ARTIZANE ME MOTIVE NGA BUTRINTI, PJETER PERKEQI 21
19/05/1819:17
PUNIME ARTIZANE ME MOTIVE NGA BUTRINTI, PJETER PERKEQI 11
19/05/1819:17
PUNIME ARTIZANE ME MOTIVE NGA BUTRINTI, PJETER PERKEQI 14
19/05/1819:17
Suvenire nga Saranda
19/05/1819:17